Qo'qonda "Buyuk yurt farzandlarimiz" yoshlar festivali bo'lib o'tdi

Kecha ushbu yoshlar festivali Qo'qon shahrida ham ko'tarinki ruhda bo'lib o'tdi.

Festivalda bir qator taniqli sanatkorlar, shoir va yozuvchilar ishtirok etishdi. Gulsanam Mamazoitova, Ilhom Farmonov, Sayyorai Jahon, Aziz Rajabov, SHahlo Rustamova, Sevinch Mo'minova, Qilichbek Madaliev, Asliddin Do'stov, Umar SHamsiev va boshqa sanatkorlar bilan birga shoir Iqbol Mirzo, yozuvchi Nodir Jonuzoq xamda bir qator teatr va kino aktyorlari ham festivalda iqatnashishdi.

Festival “Sanatkorlar” va “Kamolot” jamoalari o'rtasidagi futbol shousi bilan boshlandi. SHouni taniqli so'z ustasi, qiziqchi SHukrullo Isroilov sharhlab bordi.

SHou uchrashuv juda ham qiziqarli tarzda bo'lib o'tganini alohida takidlash joiz. Hatto tinimsiz yog'ib turgan yomg'ir ham uchrashuvga halal bera olmadi. Muxlislar xar ikki jamoani tinimsiz qo'llab-quvvatlab turishdi.

Uchrashuvda “Sanatkorlar” jamoasi 4:2 hisobida g'alaba qozonishdi. O'yinning qiziq holatlaridan biri “Sanatkorlar” darvozasiga penalti belgilanganda ro'y berdi. Penaltini qaytarish uchun butun jamoa darvozaga turib oldi. Natijada Kamolotchilar bu imkoniyatdan foydalana olishmadi.

Futbol shousi tugagach, qo'shiqlar raqslarga ulandi. El suygan sanatkorlar ijrosidagi dil tortar qo'shiqlar stadionga tashrif buyurgan mehmonlarga ko'tarinki kayfiyat bag'ishladi. Kechaga tashrif buyurgan barcha olam-olam taassurotlar bilan qaytishdi.

Quyida yoshlar festivaliga bag'ishlangan fotosuratlar bilan tanishing:

Akramjon Mamadaliev tayyorladi