U-19 yoshlar o'rtasidagi Osiyo CHempionati taqvimi tasdiqlandi

Bahrayn mezbonlik qiladigan mazkur Osiyo CHempionati bahslari 13 oktyabr kuni "A" guruhidagi ikki uchrashuv bilan start oladi. Unda, mezbon – Bahrayn yoshlar terma jamoasi Saudiya Arabistoni yoshlariga qarshi maydonga tushsa, yana bir uchrashuvda Tailand Janubiy Koreyaga qarshi o'ynaydi.

Eslatib o'tamiz, mazkur Osiyo chempionatida Jasur Abduraimov bosh murabbiyligidagi O'zbekiston U-19 yoshlar terma jamoasi ishtirok etadi. Saralash bahslarini muvaffaqiyatli o'tkazib, Osiyo CHempionatida ishtirok etish huquqini qo'lga kiritgan O'zbekiston yoshlar terma jamoasi quraga ko'ra musobaqaning "D" guruhidan joy olgan. Jasur Abduraimov jamoasi turnirdagi ishtirokini guruh bosqichning ilk turida 15 oktyabr kuni Tojikiston yoshlar terma jamoasiga qarshi o'yin bilan boshlaydi. Ikkinchi turda O'zbekiston yoshlari Avstraliyaga qarshi maydonga tushishsa, guruh bosqichi so'nggi turida Xitoyga qarshi o'ynaydi.

Malumot o'rnida, musobaqa o'yinlari "Khalifa Sport City Stadium" hamda "Bahrain National Stadium" stadionlarida bo'lib o'tadi. O'zbekiston yoshlar terma jamoasi guruh bosqichi uchrashuvlarini "Khalifa Sport City Stadium"da o'ynaydi.

U-19 yoshlar o'rtasida Osiyo CHempionati.
13-30 oktyabr. Bahrayn.

"D" guruhi.
1-tur.
15 oktyabr.
O'zbekiston – Tojikiston (Toshkent vaqti bilan soat 18:30)
Xitoy – Avstraliya (soat 21:30)

2-tur.
18 oktyabr.
Tojikiston – Xitoy (18:30)
Avstraliya – O'zbekiston (21:30)

3-tur.
21 oktyabr.
O'zbekiston – Xitoy (21:30)
Avstraliya – Tojikiston (21:30).