No'mon Hasanov: "Qiyin vaziyatga tushib qoldik"

No'mon HASANOV ("Paxtakor" murabbiyi): - Tarkibdagi yo'qotishlar qimmatga tushdi. Tojiev, Hoshimov, Sohibov va Boltaboev jarohatlarini davolash bilan band bo'lishdi. Ularni maydonga tushirib, tavakkal qilolmasdik. Javob o'yinigacha ularning yaxshi holatga kirib olishiga umid qilaman. Qiyin vaziyatga tushib qoldik.
Birinchi bo'limda ikkala jamoa ham hech narsa ko'rsatmadi. Ikkinchi bo'limda ham yaxshi o'ynamadik, futbolchilar etarlicha yugurishmadi va yomon o'ynadik. Yosh futbolchilarimiz hozircha yuqori o'yin suratiga tayyor emas.
Iskanderovning jarohati tasirini ko'rsatmoqda. U markazda hujumlarimizni tashkil etishda asosiy futbolchi edi.
 

Jamshid SAIDOV ("Buxoro" bosh murabbiyi): - O'yin va natijadan qoniqish hosil qildim. "Buxoro" anchadan buyon Toshkentda g'alaba qozonmagandi. SHu sababli g'alabadan xursandmiz. Oldinda javob uchrashuvi bor. SHu sababli hushyorlikni yo'qotmasligimiz lozim.
Maqsadimiz qarshi hujumlarda o'ynash edi. Bu rejamiz ish berdi va ikkinchi bo'limda to'p kiritishga erishdik. Hozir yuqoriroq natija ko'rsatishga intilyapmiz. Jamoa tuzish oson emas, hozir o'yinimiz unchalik yaxshi chiqmayapti. Har bir bellashuvda o'yin sifatini ko'tarib borishga intilamiz.