Azamat Allaniyazov: "Nasaf"ning yubiley 1000-golini kiritishni rejalashtirib qo'ydim"

"Turning ramziy terma jamoasiga kiritiilganimni ko'rib xursand bo'ldim. To'g'risini aytish kerak, buni kutmagandim. Har bir futbolchi uchun bu kabi narsalar juda yoqimli albatta. "SHo'rtan"ga qarshi o'yinda muhim g'alabani qo'lga kiritdik. Endi bor etiborni "Lokomotiv" bilan bo'ladigan bahsga qaratamiz. Bizni juda jiddiy bellashuv kutib turibdi. "Lokomotiv" kuchli jamoa. Ularga qarshi o'yinda hech kimga oson bo'lmaydi. Birinchi o'yinda o'zimiz uchun kerakli natijani qo'lga kiritgandik. Finalga chiqishimiz uchun ajoyib imkoniyat mavjud. Ushbu imkoniyatdan foydalanishimiz lozim. Gol urishda davom etamanmi? Albatta, har bir hujumchi maydonga tushayotganda gol urishni o'ylaydi. Bizning vazifamiz gol urish va jamoaga yordam berish. Bu o'yinda ham gol urib, minglab muxlislarimizni xursand etishga harakat qilaman. Final chiptasini olish uchun barcha imkoniyatlarni ishga solamiz. Keyingi o'yinimiz ham yana "Loko"ga qarshi chempionat doirasida maydonga tushamiz. "Nasaf"ning Oliy ligadagi kiritgan gollari hozircha 999ga teng bo'lganidan xabarim bor. Bu haqda "championat.asia" saytida o'qigandim. SHu boisdan jamoamizning yubiley golini urib, tarixga kirishni o'ylab qo'ydim. Xudo xohlasa "Lokomotiv"ga qarshi o'yinlarda muxlislarimizni xushnud etishga harakat qilamiz", - deydi Azamat Allaniyazov.