Abdumalik Abdullaev: “Andijon” har qanday o'yinda faqat g'alaba uchun o'ynaydi”
/ Kiritdi: BestMaster O'qilgan: 977
Bugun O'zbekiston Kubogining 1/8 final bosqich javob o'yinlari bo'lib o'tadi.
Andijon shahridagi “Sog'lom avlod” stadionida “Andijon” – “Qizilqum” uchrashuvi soat 17:00da start oladi. Bo'lajak bahs oldidan “burgutlar”ning tezkor futbolchisi Abdumalik Abdullaev o'z fikrlarini bildirib o'tdi.
- Kubok o'yinida ham jamoamiz imkon qadar o'z oldiga uzoqroqqa borishni maqsad qilib qo'ygan. SHu bois “Qizilqum”ga qarshi bahs ham biz uchun nihoyatda muhimdir. Ayniqsa o'z ishqibozlarimiz ko'z o'ngida faqat g'alaba uchun o'ynashimiz kerak. Buni yaxshi tushunib turibmiz. Nasib qilsa bugun keyingi bosqich yo'llanmasini qo'lga kiritamiz.
- “Qizilqum”oliy liganing o'rtamiyona jamoalaridan biri. Raqibni hurmat qilamiz. Javob o'yini oldidan juda yaxshi imkoniyatga egamiz. Dastlabki uchrashuvda safarda 2:2 hisobi qayd etilgandi. Ammo shunga qaramay biz javob uchrashuviga jiddiy qaradik va yuqori darajada tayyorgarlik ko'rdik. Yaqinda chempionat doirasida Navoiyda ushbu raqibimizga 2:1 hisobida mag'lub bo'lgandik. Endi biz ham bunga munosib ravishda javob qaytarishimiz lozim.
- Maydonga tushishga tayyorman. Agarda murabbiylar ishonch bildirsa, berilgan imkoniyatdan unumli foydalanib, jamoamga foyda keltirishga xarakat qilaman. Nasib qilsa bugun joriy mavsumdagi gollarim sonini ochaman – deydi Abdumalik Abdullaev.
"Andijon" matbuot xizmati
Bosh sahifaga
223
