Bugun Rossiyada mavsum yakunlanadi

So'nggi turdan oldin chempion nomi malum emas. Bosh sovrin uchun CSKA va "Rostov" klublari davogarlik qilishmoqda. Moskva "armiyachilari" bugun Qozon shahrida "Rubin" mehmoni bo'lishadi. "Rostov" esa Grozniyda "Terek" bilan kuch sinashadi. Oxirgi turda CSKA durang o'ynab "Rostov" g'olib bo'lsa Qurbon Berdiev boshichiligidagi rostovliklar chempion bo'lishadi. Sababi o'zaro o'yinlarda "Rostov" raqibidan ustun.

Hamyurtimiz Odil Ahmedov to'p tepayotgan "Krasnodar" klubi keyingi yil Evropa ligasida ishtirok etishi aniq bo'ldi. Yana bir o'zbekistonlik futbolchi Vitaliy Denisov o'ynayotgan "Lokomotiv" esa afsuski kuchli beshlikka kira olmadi va evrokuboklarsiz qoldi.

Musobaqa jadvalining quyida ham kurash anchayin qiziqarli kechmoqda. Oxirgi turdan oldin beshta klubda quyi ligaga tushib ketish xavfi mavjud.

Malumot uchun, premer-ligada oxirgi ikki o'rinni egallagan klublar to'g'ridan-to'g'ri birinchi ligaga tushib ketadi. 13 va 14-pog'onani egallagan ikki klub esa birinchi liganing ikki klubi bilan pley-off o'yinlarida ishtirok etadi.

CHempionat to'purari bo'lishga 20ta gol urgan "Krasnodar" hujumchisi Fyodor Smolov asosiy davogar bo'lib turibdi. Undan keyingi o'rinlarda 17ta to'p kiritgan "Spartak" vakili Kuinsi Promes, 16ta gol urgan "Zenit" hujumchisi Xalk borishmoqda.

Rossiya premer-ligasi. 30-tur. Musobaqa jadvali
21 may 2016. Barcha o'yinlar 15:30da (Toshkent) boshlanadi.
"Ural" - "Kuban"
"Lokomotiv" - "Mordoviya"
"Terek" - "Rostov"
"Dinamo M" - "Zenit"
"Ufa" - "Spartak"
"Krasnodar" - "Amkar"
"Krilya Sovetov" - "Anji"
"Rubin" - CSKA