Sardor Azimov: “Muxlislarni Qo'qonda ajoyib o'yin kutmoqda”

Namanganda o'tgan o'yinda 1:0 hisobidagi g'alabani qo'lga kiritgan qo'qonliklar bundan bir hafta oldin o'tkazilgan chempionat bahsida “Navbahor”ga yirik hisobda imkoniyatni boy berishgandi. Aynan shu jihatlar o'yinga bo'lgan qiziqishni ortishiga sabab bo'lmoqda. Uchrashuvdan oldin “Navbahor” yarim himoyachisi Sardor Azimov o'z fikrlari bilan o'rtoqlashdi:

- Qo'qonda bo'lib o'tadigan javob uchrashuviga yaxshi tayyorgarlik ko'rdik. Dastlabki o'yinda raqibga imkoniyatni boy berib qo'ygandik. Bu safar o'sha mag'lubiyatni tasodif ekanligini isbotlash uchun harakat qilamiz. Jamoadoshlarimning kayfiyati alo darajada. Hammasiz faqat ijobiy natija haqida o'ylayapmiz. “Vodiy derbi”si maqomiga ega bo'lganligi sababli uchrashuv muxlislarga yoqadigan darajada o'tadi deb o'ylayman. O'yin oldidan “Qo'qon-1912” jamoasida ayrim o'zgarishlar kuzatildi. SHu sababli, mezbonlarni ham uchrashuvga munosib tarzda hozirlik ko'rganliklarini taxmin qilish qiyin emas. Bir so'z bilan aytganda muxlislarni Qo'qonda ajoyib o'yin kutib turibdi, - deydi Azimov.

"Navbahor" matbuot xizmati