Jahongir Mehmonov: “Qarshiga natija uchun kelganmiz”

Qarshida o'tkazilinadigan “Nasaf” – “Neftchi” bahsi avvalida farg'onaliklar vakili Jahongir Mehmonov o'z fikrlari bilan o'rtoqlashdi.

- “Nasaf” jamoasiga qarshi o'yinga jiddiy tayyorlandik. Albatta chiroyli o'yin namoyish etib, natija qayd etishga harakat qilamiz. Jamoada kayfiyat yaxshi deb aytishim mumkin. Yaqinda jamoamizda bir qator o'zgarishlar yuzaga keldi. Bu esa faqat jamoa foydasiga ishlaydi deb hisoblayman. Keyingi bahslarda ham bizni qiyin o'yinlar kutib turibdi. Davra oxirigacha imkon qadar turnir jadvalida yuqoriroqqa ko'tarilishga urinyapmiz. Bugungi raqibimiz “Nasaf” haqida gapiradigan bo'lsam, qarshilik jamoa mamlakatimizning eng shakllangan klublaridan biri hisoblanadi. O'z navbatida “Neftchi” jamoasi ham tarixiy klub hisoblanishi etirof etish mumkin. Biz esa jamoamiz tarixida qayd etilgan natijalarni yana bir bor qaytalashga harakat qilamiz, - dedi Mehmonov “Nasaf”ga qarshi o'yin oldidan.

Hojiakbar Jabborov yozib oldi.
“Neftchi” matbuot xizmati