Umid Qodirov: “Paxtakor” bilan o'yinda faqat g'alaba uchun o'ynaymiz”

- Bu bahs “Paxtakor”ga qarshi o'yinga tayyorgarlik vazifani o'tab berdi, - deb gap boshladi Qodirov. – Ochig'i, “Nasaf” bilan o'yinda yo'qotadigan narsamiz qolmagandi. SHuning uchun “Nasaf”dek jamoaga qarshi hujumkor o'yin namoyish etishga qaror qildik. Malum miqdorda maqsadimizga erishdik deb o'ylayman. Safarda o'ynaydigan jamoa ko'pincha himoyaga etibor qaratadi. Bu tabiiy hol. Lekin biz himoyaviy o'yinni istamadik. “Obod” bilan o'yinda juda katta bosim ostida harakat qilgandik. Bunday holatda o'z o'yiningni namoyish etish ham mushkul. Endi bizni “Paxtakor”ga qarshi jiddiy o'yin kutyapti. Hozir O'zbekistonda istalgan jamoa bilan o'ynasa bo'ladi.  Mavsum  boshidan “Paxtakor” jamoasining ko'plab o'yinlarini kuzatib kelyapmiz. Nasib qilsa, Toshkentdagi bahsda g'alaba qozonishni niyat qilganmiz. CHunki ayni paytda bizni g'alabadan boshqasi qoniqtirmaydi, - dedi Qodirov.

“Neftchi” matbuot xizmati