Orif Mamajonov: "Keyingi bosqichda qaysi jamoa to'g'ri kelishning farqi yo'q"

- Bugun biz uchun muhim bo'lgan bahsda o'zimiz uchun kerakli natijani qo'lga kiritganimizdan xursandman. SHuncha mag'lubiyatlardan keyin biz albatta  muhlislarimizni xursand qilishimiz shart edi. O'yin issiq havo bo'lgani uchun biroz qiyin bo'ldi. Endi keyingi bosqichda qaysi jamoa to'g'ri kelishini farqi yo'q. Hamma bilan ham o'ynasa bo'ladi.
Jamoamiz o'yinida bugun tarkib va taktik sxemalarda o'zgarishlar bo'ldi. Bu menimcha o'z samarasini ko'rsatdi.

Murabbiylar shtabida o'zgarish bo'lganidan keyin ilk o'yinda menga imkon berishdi. Oldingi murabbiyimiz bilan ham munosabatlarimiz yaxshi edi. Balki u kishining taktikalariga meni o'yinim to'g'ri kelmagandir.  Endi bu uchrashuvni unutgan holda “Lokomotiv” bilan bo'ladigan o'yinga tayyorgarlikni boshlaymiz, - deydi Mamajonov.

"Qo'qon-1912" matbuot xizmati