No'mon Hasanov: "Yaxshi o'ynadik, lekin gol ura olmadik"

"Menimcha o'yin qizqarli bo'ldi. Biroq ko'plab vaziyatlardan unumli foydalana olmadik va mag'lub bo'ldik. Ikkinchi bo'limda Azim Ahmedovning zarbasi darvoza ustuniga tegib qaytdi. Bugun chiroyli o'yin ko'rsatdik, faqat gol ura olmadik xolos. Penalti belgilangan vaqtda hakam unga yaqin turgandi, demak bunga ko'nmay ilojimiz yo'q. "Paxtakor"ga kubok kerak emas degan gap so'zlar tarqaldi? Yo'q bunga qo'shilmayman, biz doim barcha sovrinlar uchun kurashamiz. Tarkibda yo'qotishlar ko'p bo'ldi. Bir necha futbolchimiz oshqozoni bilan muammo bo'ldi.

Igor Sergeev birinchi bo'limda zarba berish o'rniga yiqilib tushdi. Jamoamiz yosharish davrini boshdan kechirmoqda. O'tgan yildagi tarkibdan ko'plab futbolchilar tark etishdi. Nikita Ribinning elkasi shikastlandi, tibbiy ko'rikdan so'ng qachon safga qaytishi malum bo'ladi", - deydi No'mon Hasanov.

"Buxoro" matbuot xizmati