SHerali Jo'raev: Muxlislarimizni chempionat uchrashuvlarida xursand qilishga harakat qilamiz

2016-05-23 17:50:01 / Kiritdi: BestMaster O'qilgan: 1206

O'zbekiston kubogi 1/8 final bosqichining Andijon - Qizilqum jamoalari javob uchrashuvidan (3:1) so'ng, navoiyliklar yarim himoyachisi SHerali Jo'raev o'yin haqidagi fikrlarini bildirdi.

- Andijon - shakllangan jamoalardan biri, - deydi SHerali Jo'raev. - O'zbekiston kubogi nimchorak finalining dastlabki o'yinida andijonliklar bilan 2:2 hisobida durang o'ynagan bo'lsak-da, javob uchrashuvida ijobiy natija uchun maydonga tushgandik. Ammo teng kurashlar ostida o'tgan bahsda raqibga imkoniyatni boy berdik. Yakunda yaratilgan vaziyatlarni golga aylantira oladigan hujumchilarning yo'qligi omadsizligimizga sabab bo'ldi, deb o'ylayman. Bu kabi uchrashuvlar yoshlarimiz uchun o'ziga xos tajriba maktabi vazifasini o'tab beradi, deb bilaman.

Hayot esa davom etadi. Endi bor etiborimizni milliy chempionat o'yinlariga qaratamiz va unda muxlislarimizni quvontirish uchun bor mahoratimizni ishga solamiz.

Qizilqum PFK Matbuot xizmati.

Teglar: sherali, joraev, muxlislarimizni, chempionat, uchrashuvlarida, xursand, qilishga, harakat, qilamiz,
← Oldinga Orqaga →