“Nasaf” futbolchilari muxlislar klubi faollari bilan uchrashishdi

Qarorgohda faol muxlislar jamoa futbolchilari va murabbiylar bilan uchrashib dildan suhbat qurishdi.

Muxlislarni “Nasaf” jamoasi bosh murabbiyi Ro'ziqul Berdiev boshchiligidagi murabbiylar va futbolchilar iliq kutib olishdi.

Uchrashuvda shuningdek muxlislar o'zlarining qiziqtirgan savollariga javoblar olishdi. Futbolchilar va murabbiylar bilan esdalikka rasmlarga tushishdi. SHundan keyin futbolchilar muxlislar oldida hurmat uchun saf tortishdi. Futbolchilarga qarata  klubning ko'p yillik faol muxlislaridan Ilhom aka Salomov, Salohiddin aka Samadov, O'ktam Uzoqov va Ziyodulla Safarovlar o'z tilaklarini bildirishdi. Jumladan, “Yigitlar avvalo ko'rsatayotgan o'yinlaringiz uchun sizlarga o'z tashakkurimizni bildiramiz. SHuni bilingki, biz doimo siz bilan birgamiz, sizlarni doimo qizg'in qo'llab-quvvatlaymiz, sizlar har qanday maqtovga loyiqsiz. Bu yilgi mavsumda chempion bo'lishlaringizga qattiq ishonamiz. Sizlar bunga loyiqsizlar. Ustozlaringiz Ro'ziqul Berdievdan o'z ishiga bo'lgan muhabbatni, mehnatsevarlikni, jamoaga bo'lgan sodiqlikni o'rganing va o'rnak oling ana shunda xalq sevgan insonga aylanasiz, aslo kam bo'lmang. Olg'a yigitlar!”, - kabi tilak so'zlar aytildi.

SHundan so'ng muxlislar futbolchilarning mashg'ulotlarini tomosha qilishdi. Futbolchilar esa ko'tarinki ruhda va yaxshi kayfiyat bilan xushchaqchaq holda mashg'ulotlarini o'tkazishdi.

O'zaro uchrashuvdan so'ng futbolchilar va murabbiylar nomidan Ro'ziqul Sadullaevich tashrif buyurganlarga alohida minnatdorchilik izhor etdi.

“Nasaf” PFK matbuot xizmati