Evro-2008 qahramoni - Rushtu Rechber

Evropa chempionatlari tarixida o'zini yorqin taraflama ko'rsataga olgan futbolchilar haqida to'xtalamiz.

2008 yilda Avstriya va SHveycariyada o'tkazilgan Evropa chempionatida o'zining ajoyib o'yinlari orqali muxlislar va mutaxassislarning etiborini qozongan Rushtu Rechberning qahramonligi haqida to'xtalamiz.

Turkiya terma jamoasi Evro-2008da yarim finalga qadar bo'lgan yo'lda juda katta muammolarga duch kelgandi. Har bosqichda Turkiya musobaqadan chiqib ketishga juda yaqin qolar va doim o'yinning so'nggi daqiqalarida kiritilgan gol ularni qutqarardi.
Turkiya ushbu Evropa chempionatida yarim finalga qadar borgan.

Turkiya chorak finalda Xorvatiya bilan to'qnash keladi. Masala penaltilar seriyasiga qadar etib boradi. Xorvatiya Rechber darvozasi tomon tepgan to'rtta penaltidan faqat bittasida gol urgan. Dario Srnaning 11-metrlik nuqtadan yo'llagan zarbasi mo'ljalni aniq nishonga olgan. Qolgan uchta zarba Rechberning mahorati tufayli bartaraf etiladi. Aynan Rechber Turkiyani yarim finalga etaklab o'tadi.

Qahramonimiz shu o'yin xususida alohida to'xtalib o'tadi: "Petrichning zarbasidan keyin to'pni qaytarib bo'lgach butun jamoamiz bayramni boshlab yuboraganimiz hamon esimda. Lekin men avvaliga penaltidan gol urolmagan futbolchini yupatish uchun oldiga borgandim. O'sha o'yin va penaltilar seriyasidan keyingi ehtiroslarni so'z bilan ifodalab berish qiyin. G'alabani nishonlayotganimda Ardu adashib meni qulog'imda yaxshigina zarba berib yuborgandi. Bu ham esda qolarli voqea sifatida xotiramda qolgan", - deydi Rushte Rechber.

Final ostonasida Germaniyaga qarshi kechgan dramatik bahsda final "chiptasi" yakunda nemislarga nasib etgandi. Filip Lamning 90-daqiqada kiritgan goli barcha narsani hal etgandi.

Evropa chempionati oldidan ko'pchilik Rushtu Rechberni asosiy darvozabon bo'lishini kutmagandi. Yoshi o'tib qolgani va asosiy tarkibdagi o'rnini o'zining yoshroq raqobatdoshiga yutqazayotgan Rechberga murabbiylar shtabi ishonch bildiradi. Rushtu esa ularning ishonchini ikki hissa oqlaydi. Aynan Rechberning ishonchli harakatlari va ajaobtovur seyvlari orqali Turkiya qita chempionatida shov-shuv ko'tarishga muvaffaq bo'lgandi. Terma jamoadagi faoliyatini tugatish haqida o'ylab yurgan Rechberni keyinchalik yana terma jamoada qolishga ko'ndirishadi va Rushtu 2012 yilga qadar Turkiyaning birinchi raqamli posboni bo'lib qoladi.

Rushtu Rechber Turkiya terma jamoasi tarixidagi eng kuchli kiper sanaladi. Rechber terma jamoa safida 120 uchrashuv o'tkazgan.