Sanjar SHoahmedov: "Muxlislar stadionda ajoyib muhitni yaratishdi"

- Uchrashuv yuqri tezlikda o'tdi. Taassurotlar bir olam. Barcha xursand, muxlislar esa g'alabadan quvonishmoqda. Bugun aynan stadionga kelgan ishqibozlarning qo'llab-quvvatlashi bizni oldinga chorlab turdi. Ular stadionda ajoyib muhitni yaratishdi. Ishqibozlarga qay tarzda minnatdorchilik bildirishga ham so'z topa olmayapman. Muxlislarga katta rahmat aytaman.

CHorak finalga yo'l oldik va endi kelgusi bahslarda ham yaxshi natija qayd etishga harakat qilamiz. "Al Hilol" Osiyoning eng kuchli jamoalari qatorida turadi. Ularni yutganimiz bizni o'z kuchimizga bo'lgan ishonchni yanada orttirdi. Muhimi chorak final masalasini hal etdik. Osiyoda barcha jamoalar bilan o'ynasa bo'ladi.  Xudo xohlasa muxlislarni yanada xursand qilamiz. Stadion? Ha, "Bunyodkor" stadionidagi OCHL o'yinlarida davom etib kelgan noxush ananaga chek qo'yganimizni bilaman. Nihoyat OCHL o'yinlarida gol kiritildi. Buning uchun nima qilish kerak ekan? Maydonga tushdik, yugurdik, borimizni berib harakat qildik va maqsadimizga erishdik. Menimcha, bugun yomon o'ynamadik.