"Lokomotiv"ning mag'lubiyatsiz seriyasi 28ta o'yinga etdi

2016-05-25 13:20:01 / Kiritdi: BestMaster O'qilgan: 808

Kecha Toshkentning "Lokomotiv" klubi OCHL 1/8 finalida "Al Hilol" klubini qabul qilib 2:1 hisobida zafar quchdi.

SHunday qilib, "temiryo'lchilar"ning mag'lubiyatsiz seriyasi davom ettirildi.

Jamoa rasmiy o'yinda so'nggi bor 2015 yil 12 sentyabr sanasida mag'lub bo'lgan. Oliy liga doirasidagi "Paxtakor"ga qarshi o'yin 1:2 hisobida tugagan.

SHundan keyin bo'lib o'tgan 28ta o'yinning hech birida "Lokomotiv" yutqazmadi.

O'tgan yil oliy ligada oxirgi 9ta turda, O'zbekiston kubogi yarim finali javob bahsida "Nasaf" bilan uchrashuvda, bu yil oliy liganing dastlabki 9ta turida, OCHL doirasidagi 8ta o'yinda va O'zbekiston kubogi 1/8 finalida "UzDongJu" bilan uchrashuvida "temiryo'lchilar" jami 21ta g'alaba va 7ta durang qayd etishdi.

Eslatib o'tamiz, "Lokomotiv" keyingi o'yinni 30 may kuni Oliy liga doirasida safarda "Qo'qon-1912"ga qarshi o'tkazadi.

Teglar: lokomotivning, maglubiyatsiz, seriyasi, 28ta, oyinga, etdi,
← Oldinga Orqaga →