Ro'ziqul Berdiev: "Yigitlarimiz sovrin yutishga haqli"

"Avvalo barcha muxlislarimizni finalga chiqqanimiz bilan tabriklayman, ular bunga haqli edilar. O'tgan o'yindagi 2:0 hisobidagi g'alaba va bugungi bahsda tartibli harakatlarimiz tufayli finalga chiqdik deb o'ylayman", - deydi Ro'ziqul Berdiev. 

- "Lokomotiv"ning oxirgi o'yinlarini ko'rib chiqqandik. Ko'proq himoyada o'ynadik, sabr qildik, qarshi hujumda imkoniyatni kutdik. Bizda yarim finalga chiqqan to'rtta jamoaning saviyasi teng deb o'ylayman. Finalda kim raqib bo'lishining farqi yo'q. Nihoyat bu safar finalda kubokni qo'lga kiritishga urinamiz. Yigitlarimiz sovrin yutishga haqli.

Hamza Karimov jarohati tufayli maydonga tushmayapti. To'rt kundan so'ng yana shu jamoaga qarshi shu erda o'ynaymiz. Tarkibda katta o'zgarishlar bo'lmaydi, ammo taktika borasida o'zgarishlar bo'lishi aniq. 

Oliy liga doirasidagi bahsda "Lokomotiv" bilan durang o'ynasak xursand bo'laman. O'sha o'yinda durang bo'lsa chempionlik uchun "Lokomotiv"ning ham, "Nasaf"ning ham imkoniyatlari pasayib ketadi. Biz doim oxirigacha kurashamiz.