“Universiada-2016” kundaligi: Birinchi kun
/ Kiritdi: BestMaster O'qilgan: 1622
Kecha vodiy gavhari bo'lmish go'zal Farg'onada – oliy talim muassasalari talabalari o'rtasida “Universiada – 2016” respublika sport musobaqalari boshlandi.
Mashalaning keltirilishi
Sport musobaqalarining birinchi kuni voqealarga boy bo'ldi deyish mumkin. 25 may kuni Toshkent viloyatining Parkent tumanidagi O'zbekiston Fanlar akademiyasi “Fizika-Quyosh” ilmiy-ishlab chiqarish birlashmasi Materialshunoslik institutida “Universiada – 2016” sport musobaqalari mashalasini alanga oldirish marosimi bo'lib o'tgandi.
26 may kuni esa Mashala Farg'onaga yul oldi. “Universiada – 2016” mashalasi olib o'tiladigan shahar va qishloqlarda tantanali marosimlar, sportchilarning chiqishlari bilan yodda qoldi. SHuningdek, taniqli shoir va yozuvchilar, sanatkorlar, keng jamoatchilik vakillari, o'quvchi-yoshlar ishtirokidagi madaniy-marifiy va sport tadbirlari talabalarning yoshlik, go'zallik, birdamlik bayramiga hamohang kuy-qo'shiq va raqslarga ulanib ketdi. Barchaning ko'nglida shodlik.
Viloyatimiz ahli yoshlik, shijoat bayramini o'zgacha ruhda kutib oldi. Buni Mashala o'tayotgan paytda bilib olish qiyin emas edi.
Farg'ona viloyati hududlarida mashala sharafiga keng jamoatchilik ishtirokida madaniy-marifiy tadbirlar o'tkazildia. Mashalani eltadiganlar orasida sportchi yoshlar bilan bir qatorda Farg'onaning Dang'ara tumani, Qo'qon shahri, Uchko'prik, Bag'dod, Rishton, Oltiariq tumanlarida yashovchi taniqli insonlar, sport va mehnat faxriylari ham uchratish mumkn edi.
Kunning birinchi yarmida mashala Dang'ara tumani, Qo'qon shahri, Uchko'prik, Bag'dod, Rishton, Oltiariq tumanlarini kesib o'tdi. Mashalani eltish marosimida yuqorida tilga olingan shahar ham tuman aholisi o'zlarining o'lkan hissalarini qo'shishdi.
Nihoyat, uzoq yo'l bosgan Mashala Farg'ona shahriga etib keldi. Uni katta tantanalari bilan kutib olishdi.
Mehmonlarning kelishi
Farg'ona xalqaro aeroportida “Universiada – 2016” sport musobaqalari ishtirokchilari tantanali kutib olindi.
Bu erda Qoraqalpog'iston Respublikasi, viloyatlar va Toshkent shahridan kelgan sportchi yoshlarni karnay-surnay sadolari ostida milliy libosda kiyingan qizlar nonu tuz, gullar bilan qarshi olishdi.
Mamlakatimiz hayotidagi ulkan voqea – yoshlik, kamolot va sport bayrami – “Universiada-2016” o'yinlarida ishtirok etadigan sportchi yoshlar Farg'onaga ko'tarinki kayfiyatda, qizg'in tayyorgarlik bilan kelishgan.
Ishtirokchilarni kutib olish tadbirlarida Farg'ona viloyati hokimi, Oliy Majlis Senati azosi SHuhrat G'aniev so'zga chiqib, sportchi yoshlarga g'alabalar tiladi.
“Universiada-2016” ishtirokchilari va mehmonlar Farg'ona va Marg'ilon shaharlarida joylashgan tarixiy obidalar, muzeylar, teatrlar hamda yangi barpo etilgan inshootlar bilan tanishish imkoniyatiga ega bo'lishdi.
SHuningdek, musobaqalar jarayonida madaniy-marifiy tadbirlar dasturiga asosan viloyatning barcha shahar va tumanlarida mashhur sanatkorlar ishtirokida bayram shodiyonalari tashkil etildi.
Ravshan Ermatov bilan uchrashuv
Kecha Farg'ona Politexnika institutida FIFA referisi, O'zbekiston Futbol federaciyasining xalqaro toifadagi hakami, “Buyuk xizmatlari uchun”, “El-yurt hurmati” ordenlari sohibi Ravshan Ermatov bilan uchrashuv bo'lib o'tdi. Unda “Universiada-2016” sport musobaqasi qatnashchilari, mehmonlar va bir qator OAV xodimlari ishtirok etishdi.
Uchrashuv davomida Ravshan Ermatov futbolga kirib kelish jarayoni, qiyinchiliklar, faoliyati zinapoyalaridagi shaxsiy maqsadlar, yulduzli o'yinlar va futbol ichida bugun yuz berayotgan jarayonlar haqida so'zladi.
SHuningdek, uchrashuv davomida musobaqa ishtirokchilari o'zlarini qiziqtirgan savollarga javob olishdi.
Ravshan Ermatov har bir savolga batafsil javob qaytarishga harakat qildi.
* * *
Universiada-2016” dasturidan o'rin olgan uchrashuv oldidan Ravshan Ermatov o'zining fikrlari bilan o'rtoqlashdi.
– Ochig'ini atysam, “Universiada-2016” sabab Farg'onada bo'lib o'tgan o'zgarishlarni ko'rib hayratda qoldim. To'g'risi, “Universida” ishtirokchilariga havasim keldi. Bugungi kunda talabalarga yaratilayotgan sharoitlar alo darajada desam, adashmayman. Faqat o'qish va bilim olish kerak, xolos. Yurtboshimiz aytganidek, biz hech kimdan kam emasmiz va kam bo'lmaymiz ham. Kelajakda ushbu talabalardan Jahon va Olimpiada chempionlari etishib chiqsa ajab emas.
– Bugungi kunda sportchilar uchun ham yaxshi sharoitlar yaratilgan. Barcha yuqori kayfiyatda mashg'ulotlarda ishtirok etishmoqda. Kayfityat yuqori bo'lgan joyda samaradaorlik ham oshadi.
– Yildan-yilga o'zbek futbolining nufuzi oshib bormoqda. Osiyoning ko'plab mamlakatlari bizdagi rivojlanishni ko'rib lol qolmoqda. Biz hozir poydevorni mustahkam qilib bormoqdamiz. O'ylaymanki, bugungi mehnatlarimiz o'z samarasini berib terma jamoamiz albatta Jahon chempionatiga chiqadi.
“Universiada-2016” sport musobaqalari ishtirokchilarga omad tilab qolaman.
Musobaqalarga qura tashlandi
Kecha shuningdek, “Universida-2016” sport musobaqalari doirasidagi bir qator sport turlariga qura tashlandi. Unga ko'ra, g'oliblik uchun kurash olib borayotgan jamoalar o'z raqiblarini bilib oldilar.
Mazkur tadbirlarda jamoalar rasmiylari va musobaqa hakamlari ishtirok etishdi.
Musobaqaning ochilish marosimi
Yoshlik, do'stlik, shijoat va go'zallik bayrami – “Universiada-2016 sport musobaqalari barchaga ko'tarinkilik ulashmoqda. Kecha “Istiqlol” stadionida musobaqaning tatnatali ochilish marosimi bo'lib o'tdi.
Marosim avvalida Farg'ona viloyati hokimi SH.G'aniev “Universiada – 2016” sport o'yinlarini ochiq, deb elon qildi va barchani yoshlik va shijaot bayrami bilan tabrikladi.
So'ng, O'zbekiston Respublikasi Prezidenti Islom Karimovning “Universiada – 2016” sport o'yinlari ishtirokchilariga tabrigini Prezidentning Davlat maslahatchisi X.Sultonov o'qib eshittirdi.
Musobaqa ishtirokchilari birin-ketin stadionga kirib kelishdi. Turli sport o'yinlardan parchalar namoyish etildi. El ardog'idagi sanatkorlarning chiqishlari esa davraga yanada fayz bag'ishladi.
Barchani hayajonga solgan yana bir voqea esa mashalaning olib kelinishi bo'ldi.
Stadionga alanga oldirilgan mashalani ko'targan yigit va qiz kirib kelishdi. Bir qator sportchilar navbat bilan mashalani stadoni o'zra aylantirishdi.
“Universiada – 2016” sport musobaqalarning mashalasini yoqish boks bo'yicha o'smirlar o'rtasida jahon va Osiyo chempioni, o'smirlar Olimpiadasi g'olibi, kattalar o'rtasida Osiyo chempioni, jahon chempionati sovrindori, Olimpiada yo'llanmasi sohibi Bektemir Meliqo'ziev va tennis bo'yicha O'zbekiston chempioni, xalqaro turnirlar hamda 2014 yil Namanganda o'tgan “Barkamol avlod” o'yinlari sovrindori, Zulfiya nomidagi Davlat mukofoti sohibasi Sarvinoz Saidxo'jaevalar nasib etdi.
“Universiada – 2016” sport musobaqalarining tantanali ochilish marosimi katta koncert dasturi bilan yakunlandi.
SHunday qilib, Farg'onada katta sport musobaqasi boshlanib ketdi. Bugundan “Universiada – 2016” ishtirokchilar 15 sport turi – basketbol, boks, voleybol, gandbol, dzyudo, engil atletika, og'ir atletika, stol tennisi, suzish, taekvondo (WTF), tennis, futbol, shaxmat, erkin va yunon-rum kurashi bo'yicha musobaqalarga kirishishadi.
Abror Dehqonov
Bosh sahifaga
299