Ro'ziqul Berdiev: “Bunyodkor”dan ochiq va hujumkor o'yin kutmagandim”

- Ochig'ini aytsam, uchrashuv durangga mos edi. Biz ham, “Bunyodkor” ham g'alaba qozonish maqsadida hujumkor o'yin ko'rsatdik. Biroq yakunda har ikkala tomon bir ochkodan bo'lishib oldi. Rostini aytsam, “Bunyodkor”dan bunaqangi ochiq va hujumkor o'yin kutmagandim. Raqib yaxshi hujumlar tashkil etdi va tartibli himoyalandi. Hatto ikkinchi bo'limni biz uchta hujumchi bilan o'tkazganimizda ham “qaldirg'ochlar”ning himoya chizig'i bexato o'ynadi. Muhim bahslar mana endi boshlanmoqda. To'g'ri bugungi durang ko'proq “Lokomotiv” jamoasi foydasiga ishladi. Lekin, hali oldinda o'yinlar ko'pligini unutmaslik kerak, - deydi Ro'ziqul Sadullaevich.