Otabek Isroilov: “Murabbiylarning ko'rsatmalarini to'g'ri bajardik”

- “Paxtakor” jamoasi juda ham kuchli o'yin namoyish etdi. Biroq bugun omad biz tarafda bo'ldi. “Neftchi” jamoasi har doim g'alaba uchun o'ynaydi va buni yana bir bor amalga isbotladik. Yigitlar maydonda yuqori ishtiyoqda harakat qilishdi. Natijaga erishishimizda aynan mana shu omil ham sababchi bo'ldi deb aytishim mumkin. Murabbiylar shtabi jamoani o'yinga jiddiy hozirlashdi. Biz esa ular bergan ko'rsatmalarni to'g'ri bajardik va uch ochkoga ega chiqdi. G'alaba qozonganimizdan xursandman. “Paxtakor” ustidan qozonilgan g'alaba bilan butun Farg'ona ahlini tabriklayman, - dedi Otabek Isroilov o'yindan keyin bergan intervyusida.

Eslatib o'tamiz, mazkur o'yinda “Neftchi” jamoasi Murod Bobojonov hamda Otabek Isroilovlarning gollari evaziga 1:2 hisobida g'alabaga erishdi.

“Neftchi” matbuot xizmati.