Saul: "Atletiko" tarix takrorlanishiga munosib emasdi"

"Jamoa va muxlislar bilan faxrlanaman. Kurashda bor kuchimizni ishga soldik. Futbolda hamma narsa sodir bo'lishi mumkin. "Real" penaltilar seriyasidagi omad tufayli g'alaba qozondi. Raqib ilk 15 daqiqalikda yaxshi o'ynadi, ammo keyin o'zimizga kelib oldik va ikkinchi bo'limda "Atletiko" ustun edi. Bahsni yutishga harakat qildik va bizda Grizmann tomonidan tepilgan penalti ham bor edi.

Juda alamli. Jamoa tarix takrorlanishiga munosib emasdi. Bu voqea ikki marta sodir bo'lishi juda og'riqli. Ammo biz qaytamiz. "Atletiko" o'ziga bo'lgan ishonchni yo'qotmaydi va ishlashda hamda kurashishda davom etadi" - deydi Saul.