Yoshlar ligasi. 10-tur. "Qo'qon-1912" - "Lokomotiv" 0:2

Uchrashuv shunga monand ilk daqiqalardan hujumkor tarzda boshlandi. Xususan, 5-daqiqada vakillarimizda hisobni ochish uchun yaxshi imkoniyat yuzaga kelgandi. Ammo Doston Meliqo'zievning boshi bilan bergan zarbasiga biroz aniqlik etishmadi.

Oradan biroz o'tib, mehmonlarda yaxshi imkoniyat vujudga keldi. Bobur Tillaev jarima maydonchasiga kirib borib darvoza tomon zarba berdi. Darvozabonimiz mahorat ko'rsatib to'pni qaytardi.

31-daqiqada Abdul Aziz Yusupov bir nechta raqiblarni aldab o'tib to'pni Doston Meliqo'zievga o'zatdi. Doston esa jarima maydonchasi ichida darvozaboni bir necha marta aldab to'pni darvoza tomon yo'lladi. To'p kutilmaganda darvozabonga tegib yo'nalishini o'zgartirdi. Natijada hisob ochilmay qoldi.

40-daqiqada hisob ochildi. Qanotdan yorib kirgan Quvondiq Ro'ziev darvozabon uchun kutilmaganda zarba berdi. To'p esa darvoza to'ridan o'rin oldi – 0:1.

Birinchi bo'lim shu hisob bilan yakun topdi.

Ikkinchi bo'limni o'rinbosarlarimiz ancha faol tarzda boshlashdi. 50-daqiqada raqib darvozasi oldida yaxshi imkoniyat vujudga keldi. Ammo Avaz Mamatxo'jaevning boshi bilan bergan zarbasiga aniqlik etishmadi.

58-daqiqada Avaz Mamatxo'jaev maydondan chetlatildi. Himoyachimiz katta tezlikda jarima maydonchasiga kirib borayotgan raqib o'yinchisini qo'pollik bilan to'xtatib qolgani uchun bosh hakam tomonidan qizil kartochka bilan jazolandi.

60-daqiqa mehmonlar ikkinchi marta “Qo'qon-1912” o'rinbosarlari darvozasini ishg'ol etishdi. Evgeniy Tanaev qanotdan yorib kirib to'pni qulay imkoiyatda turgan sherigi Bobur Tillaboevga oshirdi. Tillaboev esa aniq zarba yo'llab, hisobni oshirdi – 0:2.

Ikkinchi bo'limning qolgan daqiqalarda o'rinbosarlarimizda raqib darvozasini ishg'ol etish uchun bir qator vaziyatlar vujudga kelgandi. Ammo ulardan foydalanish borasida omadimiz kelmadi. Natijada o'rinbosarlarimiz mavsumdagi to'rtinchi mag'lubiyatni tan olishga majbur bo'lishdi.

Yoshlar ligasi
10-tur
“Qo'qon-1912” – “Lokomotiv” – 0:2 (0:1)  
Hakamlar: Davron Akmalov, Rustam Tolibjonov, Nodir Toshmatov, Qahramon Sobirov.
Nazoratchi: Oleg Dachev.
Gollar: Qo'vondiq Ro'ziev – 40, Bobur Tillaboev – 60.

“Qo'qon-1912”: 30. Islom Abdullaev, 4. Oybek Rustamov, 5. Ibrohim G'ofurov, 9. Doston Meliqo'ziev, 10. Iqbol Malikjonov, 14. Avaz Mamatxo'jaev, 15. Maruf Zokirjonov, 19. Sardor Qahhorov, 22. Muhammadanas Hasanov, 28. Abdul Aziz Yusupov, 88. Ibrohim Muxtorov.
Zaxira: G'ayrat Hasanov, 11. Abduqahhor O'ktamov, 17. Hasan Soliev, 23. Sardor Isoqov, 27. Ismoil Oxunjonov, 56. Iqror Rahimov, 91. Ibrohim Usmonov.

“Lokomotiv”: 25. Sarvar Karimov, 10. Bobur Tillaboev, 17. Evgeniy Tanaev, 18. Rustam Hamroev, 20. Farrux Usmonov, 21. Doniyor Usmonov, 22. Ulug'bek Abdullaev, 28. Rustam Hazratqulov, 36. Xurshid Muxtorov, 70. Quvondiq Ro'ziev, 99. Xumoyun Azamov.
Zaxira: 96. Rustam Nortojiev, 8. Jahongir Safarov, 11. SHoxrux Mo'minqulov, 13. Hamidullo Sobirov, 68. Vohid Yunusov, 87. Otabek Muhamedov, 97. Lazar Adamov.