"Buxoro" - "Navbahor" uchrashuvidan so'ng bo'lgan gaplar

Dastlab "Navbahor" bosh murabbiy Aleksandr Volkov uchrashuv to'g'risida o'z fikrini bildirdi. - "Buxoro"ni g'alaba bilan tabriklayman. O'yin kutilganidek kurashlarga boy bo'ldi. Uchrashuv boshida bazi sodir etgan vaziyatlarimizdan foydalana olmadik. So'ngra o'z darvozamizdan alamli to'p o'tkazib yubordik. Umuman olganda muxlislarga bugungi bellashuv manzur bo'ldi deb o'ylayman. Aslida jamoamizning o'yinini qovushdi deyish mumkin, biroq gollarni "Buxoro" urdi. Bizga doimgidek vaziyatlarni golga aylantirish etishmadi. Ikkinchi davrada tarkibda o'zgarishlar bo'lishini vaqt ko'rsatadi. Buni hozir aytish qiyin. Xa, rahbariyat bir nechta yangi o'yinchilarni klubga taklif qilishni rejalashtirgan.

Matbuot anjumanining ikkinchi qismida "Buxoro" bosh murabbiyi Jamshid Saidov ishtirok etdi. - Og'ir o'yin o'tkazdik. Lekin nima bo'lgan taqdirda ham yigitlarga raxmat aytib, ularni g'alaba bilan tabriklamoqchiman. Nima sababdan so'nggi 10 daqiqada bo'sh o'yin ko'rsatganimizni o'rganib chiqamiz. Nimaga himoyalanganimizni o'zim ham tushunmadim. Ob-xavo sharoiti balki futbolchilar harakatiga tasir o'tkazgan bo'lishi mumkin. SHu bois biroz lanch o'yin kuzatildi. Gol o'tkazib yuborgunimizga qadar yaxshi harakatlanayotgandik. Hisob qisqargach shogirdlarim tushkunlikka tushib qolishdi. Bugungi uchrashuvni unutib, navbatdagi "Lokomotiv"ga qarshi o'yinga tayyorgarlik ko'ramiz.