Tohir Kapadze: "M.Ismoilov murabbiylar shtabida faoliyatini davom etadi"

Qisqa tatildan keyin klubda o'tkazilgan majlisda bu masalaga ham oydinlik kiritildi. “Neftchi” klubi raisi -  Tohir Kapadze  bosh murabbiy masalasi xaqida shunday dedi:

TOHIR KAPADZE:  Bosh murabbiy bo'lish juda ham katta masuliyat va javobgarlikni talab qiladi. Jamoaning o'yiniga barcha klub azolari o'z hissasini qo'shgani bilan, malumki, natijaga eng avvalo bosh murabbiy javob beradi. Ikkinchi davradagi 5ta o'yindan 4tasi jamoamiz uchun mag'lubiyat bilan yakunlandi. Eng avvalambor, bunday natija rahbariyat va muxlislarni qoniqtirmagani tabiiy hol. Qolaversa, Murod Ismoilov ham sog'lig'ining yomonlashgani bois, uchrashuvlarda to'laqonlik bilan ishtirok etaolmayotganini inobotga olib,  o'z xohishiga ko'ra bosh murabbiylik lavozimidan bo'shash, lekin, jamoada murabbiy sifatida ishlashni davom etishi xaqida ariza yozgan. O'zaro kelishilgan holda Andrey Fyodorov bilan o'rinlarini almashtirishga qaror qildik. Yana bir marta takidlab o'taman, bu qarorga barcha tomonlarning roziligi bilan kelishildi. Biz uchun eng muhimi jamoani o'yin payti murabbiylar shtabidan kim boshqarishi emas, balkim g'alaba qozonishdir. SHuning uchun ham mavsum ohirigacha  bosh murabbiy vazifasini bajaruvchi bo'lib, A.Fyodorov faoliyat ko'rsatadi.