Temur Olimxo'jaev: "CHiroyli futbol ko'rsatib, barcha o'yinlarda g'alaba qozonish uchun keldik"

Bu o'yin Temur Olimxo'jaev boshchiligidagi jamoaning Falastinda o'tkazilayotgan saralash bosqichidagi dastlabki uchrashuvidir.

Saralao'ning “A” guruhi, 1-tur o'yinlari oldidan matbuot-anjumanitashkil etildi. Unda ishtirok etgan O'zbekiston U-16 bosh murabbiyi Temur Olimxo'jaev o'z fikrlari bilan o'rtoqlashdi.

“Avvalambor, bizni bu erda juda iliq kutib olishgani va bizga barcha sharoitlarni yaratib berayotgani uchun Falastin Futbol Asociaciyasiga shuningdek OFK vakillariga o'z minnatdorchiligimni bildiraman. Bu mening Falastinga ilk tashrifim. Lekin bu kabi saralash turnirlarida avval ham ishtirok etganman. Xususan 2002 yili bo'lib o'tgan yoshlar o'rtasidagi Jahon chempionatiga jamoamni olib chiqqandim. Bundan tashqari 2013 yilda ham saralash turnirida ishtirok etib, jamoamni final bosqichiga olib chiqqandim. Ammo salomatligim yomonlashgani sabab final bosqichiga bora olmadim”.

“Imkon qadar raqiblarni o'rganishga harakat qildik. Ularning barchasi chiroyli, texnik futbol namoyish qilishadi. Ammo biz bu erga barcha o'yinlarda g'alaba qozonib, muxlislarni xursand qilish uchun tashrif buyurganmiz. Tarkibimizda O'zbekistonning barcha viloyatlaridan istedodli futbolchilar bor. Oldimizga guruhda birinchi o'rinni olish vazifasi qo'yilgan va biz buni uddalay olamiz, deb o'ylayman”, - deydi Temur Olixo'jaev.

Eslatib o'tamiz, Maldiv orollari o'smirlar terma jamoasiga qarshi o'yin Toshkent vaqti bilan 18:00da boshlanadi.