Mehr - ko'zda. "Lokomotiv" PFK bemor bolalarga sovg'alar ulashdi (FOTO)
/ Kiritdi: BestMaster O'qilgan: 2761
Bugun 1 iyun - Xalqaro bolalarni himoya qilish kuni! Bugun shuningdek, yoz faslining birinchi kuni.
Bugungi bayram munosabati bilan "Lokomotiv" PFK vakillari O'zbekiston Respublikasi Sog'liqni saqlash Vazirligi Respublika onkologiya ilmiy markazi bolalar bo'limiga tashrif buyurishdi. Tashrifdan ko'zlangan maqsad, bemor bolakaylarga sovg'alar ulashib, ularning ko'nglini ko'tarish edi.
Futbol qiroli Pele faoliyatini tugatayotib bejizga "Bolalarni asrang!" demagan. Zero, bolalar bizning kelajagimizdir. Xabaringiz bor, muhtaram Yurtboshimiz tomonidan 2016 yil - "Sog'lom ona va bola yili" deya elon qilindi. SHu munosabat bilan ham kasalxonaga tashrif ayni muddao bo'ldi.
Respublika onkologiya ilmiy markazi bolalar bo'limida davolanayotgan bolajonlarni "Lokomotiv" PFK bosh direktori o'rinbosari To'labek Akramov, Timur Kapadze, Ivan Nagaev, Mamur Ikromov, Sergey Proxorov, Oleg Zoteev, Temurxo'ja Abduxoliqov, Sadriddin Abdullaev kabi futbolchilar, jamoa mamuri Baxtiyor Ismoilov va Ulug'bek Usmonxo'jaev, shifokor Abror Pirriev hamda massajchi Abdurahim Sarimsoqovlarning kutilmagan tashrifi juda xursand qildi.
Bemor bolakaylarni shuningdek, taniqli so'z ustasi SHukrullo Isroilovning ham o'z sovg'a-salomlari bilan kelgani to'lqinlantirib yubordi. "Lokomotiv" PFKning mazkur tashrifidan kasalxona shifokorlari, u erda davolanayotgan bolalar va ularning ota-onalari juda mamnun bo'lishdi.
"Lokomotiv" PFK matbuot xizmati.
Bosh sahifaga
239
