"Qizilqum": Legionerlarimiz O'zbekiston terma jamoasiga qarshi o'ynaydi

Rejaga ko'ra, navoiyliklar tarkibida o'ynayotgan gruziyalik himoyachi Georgiy Kvesieshvili, ukrainalik yarim himoyachi Andrey Derkach va hujumchi Vyacheslav SHevchenkolar Toshkentda O'zbekiston milliy terma jamoasiga qarshi bo'ladigan o'rtoqlik uchrashuvida ichki chempionatimizda to'p surayotgan legionerlardan tarkib topgan terma jamoa safiga qo'shilishadi.  “Qizilqum” jamoasi legionerlari 1 iyun kuni poytaxtimizga etib keldilar.

- Bizni oldinda qiziqarli o'yin kutmoqda, - deydi ukrainalik yarim himoyachi Andrey Derkach. - Bu bahs muxlislar uchun ham qiziqarli bo'lsa ajabmas. O'zbekiston terma jamoasi tajribali o'yinchilar va kuchli tarkibga ega. Ammo klublarda o'ynayotgan legionerlar ham o'zlarining chiroyli o'yinlarini namoyish etishadi, degan umiddaman.

Eslatib o'tamiz, O'zbekiston va legionerlar terma jamoalari uchrashuvi 2 iyun kuni Toshkentdagi “Bunyodkor” stadionida bo'lib o'tadi. O'yin soat 18.00 da boshlanadi.