“Andijon” navbatdagi uchrashuvga tayyorgarlikni boshladi
/ Kiritdi: BestMaster O'qilgan: 1002
“SHo'rtan”ga qarshi uchrashuvdan so'ng murabbiylar shtabi futbolchilarga malum muddatlik dam bergandi va 1 iyun kunidan jamoamiz yana o'z qarorgohida yig'ildi.
Oliy liganing navbatdagi turida “burgutlar” Bekobodda “Metallurg” mehmoni bo'ladi. Bo'lajak bahsga tayyogarlik boshlandi.
Navbatdagi muhim o'yin oldidan jamoamizda jaroxat bilan bog'liq muammo yuzaga kelgan. Yaqinda operaciyadan qaytgan himoyachi Javlon Guseynov yana safdan chiqdi. Aytishlaricha futbolchi katta extimol bilan ikkinchi davradan maydonga qaytadi.
SHuningdek Bobur Akbarov, Otabek Valijonov, Solohiddin Solohidinov ham jaroxat sabab mashg'ulotlarda ishtirok eta olmayapti. Ulardan tashqari kichik jaroxat tufayli G'ulom O'runov, Iqbol Boboxonov va Ibrohim Otaxonov mashg'ulotlarda individual tarzda shug'ullanmoqda.
Serbiyalik hujumchi Nemanya Yovanovich yurtiga borib kelish uchun jo'nab ketgan. Tajribali futbolchi shu kunlarda Andijonga etib keladi.
Darvoqe, bosh murabbiy Baxtiyor Ashurmatovning sog'ligi bilan bog'liq muammo yuzaga kelgani sababli bosh murabbiy ayni damda jamoa bilan birga emas. Mashg'ulotlarni esa uning yordamchilari Zohid Nurmatov, SHuhrat Maqsudov, Hislat CHilmatov va Kamol Jo'nashev o'tkazmoqda.
Eslatib o'tamiz, “Metallurg”ga qarshi o'yin 10 iyun kuni bo'lib o'tadi.
Bosh sahifaga
146
16 Fevral 2026, 08:46