Aziz Asimov “Qirol Kubogi” doirasidagi BAA – Iordaniya uchrashuvini boshqardi

Bugun Tailandda har yili ananaviy tarzda bo'lib o'tadigan "Qirol Kubogi" musobaqasiga start berildi. Bu yilgi musobaqada avvalroq xabar berilganidek turnir mezboni Tailand, BAA, Iordaniya hamda Suriya terma jamoalari ishtirok etishmoqda. Eslatib o'tamiz, mazkur turnir o'yinlarini boshqarib borish uchun o'zbekistonlik FIFA referisi Aziz Asimov ham taklif etilgan.

Bugun, musobaqaning ilk kunida yarim final o'yinlari o'tkazildi. Quraga ko'ra, ilk yarim final o'yinida BAA hamda Iordaniya terma jamoalari o'zaro maydonga tushishdi. Mazkur uchrashuvni o'zbekistonlik FIFA referisi Aziz Asimov boshqarib bordi. Uchrashuvda Asimovga qanotda o'zbekistonlik FIFA laynsmeni Alisher Usmonov yordam bergan. Yana bir laynsmen sifatida esa, malayziyalik SHahrin bin Umar ishlagan. Uchrashuvda Iordaniya terma jamoasi 3:1 hisobda g'alaba qozondi va finalga yo'l oldi. Iordaniya terma jamoasi finalda Tailand hamda Suriya terma jamoalari o'rtasidagi o'yin g'olibi bilan o'ynaydi.

Tailand hamda Suriya terma jamoalari o'rtasidagi o'yin esa, Toshkent vaqti bilan soat 18:00da boshlanadi.