O'zbekistonda "Olimpiya kuni" bo'lib o'tdi (+eksklyuziv suratlar)

O'ziga xos festival MOQ binosi va "Paxtakor" stadioni hududida o'tkazildi.

“Olimpiya kuni” dunyoda eng ommaviy tarzda nishonlanadigan sport bayramlaridan biri hisoblanib, har yili Xalqaro olimpiya qo'mitasiga azo 206 davlatda o'tkaziladi. Tadbirni o'tkazishdan ko'zlangan asosiy maqsad – aholi orasida sog'lom turmush tarzini hamda olimpizm g'oyalarini keng targ'ib etish, katta-yu, kichik qalbida jismoniy tarbiya va sportga bo'lgan mexrni yanada yuksaltirishdan iboratdir.




Dastlab karnay-surnay sadolari ostida barcha ishtirokchilar jam bo'lishdi.




SHundan so'ng, MOQ prezidenti Mirabror Usmonov so'zga chiqib, yig'ilganlarni ushbu kun bilan tabrikladi.

Undan keyin katta ekranlarda Xalqaro olimpiya qo'mitasi prezidenti Tomas Baxning tabrigi qo'yildi. Davlat madxiyamiz yangragach "Olimpiya kuni" rasman ochiq deb elon qilindi.

Musobaqalarda 5 yosh va undan katta ishtirokchilar turli masofalarga yugurish bo'yicha bahs olib borishdi.

Quvonarlisi, jurnalistlar o'rtasida 500 metrga yugurish bahslarida saytimiz vakili Tolibjon Qosimov marraga ikkinchi bo'lib etib keldi va shoxsupaga ko'tarilganlar orasidan o'rin oldi.

Bundan tashqari, ishtirokchilar sportning boks, taekvondo (WTF), dzyudo, velosport, stol tennisi, engil atletika va kamondan otish turlari bo'yicha o'z imkoniyatlarini sinovdan o'tkazishdi.

Kun davomida estradamiz yulduzlari qatnashchilarni o'z qo'shiqlari bilan mamnun etishdi.

Musobaqalar davomida barcha g'olib va sovrindorlarga maxsus sertifikat va sovg'alar topshirildi.

Xabarning davomini va ushbu qiziqarli tadbirdan olingan eksklyuziv suratlarni olamsport.com saytida tomosha qiling!