"Odil Cup-2016". 2-turda "Istiqlol" va "Navbahor"dan g'alabalar
/ Kiritdi: BestMaster O'qilgan: 1201
Saytimiz orqali kecha xabar berib o'tganimizdek, Namangan shahrida 2002 va 2004 yilda tug'ilgan futbolchilar o'rtasida Odil Cup-2016 bolalar futbol festivali start oldi.
O'zbekiston milliy terma jamoasi sardori Odil Ahmedov bilan reklama shartnomasi imzolagan “Imkon Plyus” kompaniyasi bosh homiyligida tashkil etilgan bolalar futbol turnirida 8ta jamoa ishtirok etmoqda. Kecha ikkala yosh toifasidagi futbolchilar 1-tur bahslarini o'tkazishgandi. Bugun kunning birinchi yarmida 2-tur o'yinlari bo'lib o'tdi.
Namangan viloyat futbol federaciyasiga qarashli "Umid" stadionida dastlab 2004 yilda tug'ilgan futbolchilardan iborat Namanganning ikkita jamoasi o'zaro bahs olib bordi. "Barkamol" va "Navbahor" qarama-qarshiligida "Navbahor" futbolchilarining qo'li baland kelib, ular 2:1 hisobida zafar quchishdi. Aytish mumkinki, bu o'yin turnirning eng qiziqarli kechgan bahslaridan biri bo'ldi.
O'yin boshidanoq qizg'in tus oldi va oxirigacha shunday davom etdi. Ikkinchi uchrashuv esa "Istiqlol" va "Aziya" jamoaslari o'rtasida kechib, bunda farg'onaliklar 1:0 hisobida raqibdan ustun kelishdi. Bugun tushdan so'ng 2-tur bahslari davom ettiriladi. Bu safar 2002 yilda tug'ilgan futbolchilar maydonda bahs olib borishadi.
Odil Cup-2016. Ikkinchi kun uchrashuvlari (2004 y.)
"Barkamol" (Namangan) - "Navbahor" (Namangan) 1:2
Gollar: Muhiddinov Abdulaziz - Jo'raboev Asadbek (2ta)
Eng yaxshi o'yinchilar: Sobirjonov Muhammadyusuf - Alijonov Iskandar
Bosh hakam: Maksim Nexochin
"Istiqlol" (Farg'ona) - "Aziya" (Andijon) 1:0
Gol: Ismoilhojiev Akbar
Eng yaxshi o'yinchilar: Ismoilhojiev Akbar - Marufjonov Abroriy
Bosh hakam: Rifat Odilov
2212610318739688 
Bosh sahifaga
535
16 Fevral 2026, 15:55