Temur Olimxo'jaev: “Mening jamoam bundan yaxshiroq o'ynay oladi”
/ Kiritdi: BestMaster O'qilgan: 1333
O'n olti yoshgacha bo'lgan futbolchilar o'ratsidagi Osiyo chempionati saralash bosqichi, 1-turi doirasidagi O'zbekiston – Maldiv orollari o'yinidan keyin (8:0) matbuot anjumani tashkil qilindi.
Unda O'zbekiston o'smirlar terma jamoasi bosh murabbiyi Temur Olimxo'jaev o'yin haqidagi fikrlarini bildirdi.
“Bugungi o'yinning dastlabki bo'limini ko'ngildagidek boshlay olmadik. Ko'p vaziyatlarni golga aylantirilmadi. Hisob bunday ko'rinish olgani bilan, men o'yindan to'liq qoniqish hosil qildim, deb ayta olmayman. Birinchi taymdan mutlaqo ko'nglim to'lmadi. Ikkinchi bo'limda esa yaxshi futbol namoyish qildik. Vaziyatlardan foydalanish borasida birinchisidan ancha samaraliroq bo'ldi”.
“Mening jamoam, aslida, bugungidan ancha yaxshiroq o'ynay oladi. Hisob aslida bundan ancha kattaroq bo'lishi kerak edi”.
“Qolgan raqiblar haqida to'xtaladigan bo'lsam, ularning har ikkisi ham yaxshi jamoalar va jiddiy raqiblar. SHunga qaramay, keyingi o'yinlarda bugungidan-da yaxshiroq o'yin namoyish qilishga harakat qilamiz. Biz barcha o'yinlarda g'alaba uchun maydonga tushamiz”, - deydi Temur Olimxo'jaev.
Bosh sahifaga
192
