"Lokomotiv" chorak finaldagi raqibimiz: “Al Ayn” – “Nasaf”ning guruhidan chiqqan jamoa

Qura natijalariga ko'ra, “Lokomotiv” chorak finalni BAAning “Al Ayn” klubiga qarshi o'tkazadi.

Dastlabki bahs “Al Ayn” maydonida 23 avgust kuni bo'lib o'tadi. Toshkentda kechadigan javob uchrashuvi esa 13 sentyabrga belgilangan. “Al Ayn” BAA milliy chempionatining navbatdagi mavsumini 2-o'rinda tugatdi. Bu jamoa chempion “Al Ahli”dan 9 ochko ortda qoldi.

Malumot uchun, “Al Ayn” bu yilgi chempionlar ligasida “Nasaf” bilan bir guruhda kurash olib bordi va 10 ochko to'plab ikkinchi o'rin bilan chiqdi. “Al Ayn” guruh bosqichida o'tkazilgan 6ta o'yindan uchtasida g'alaba qozondi, bir bor durang o'ynab, ikki marta mag'lubiyatga uchradi.
To'plar nisbati 8-6. Guruh uchrashuvlarida braziliyalik Duglas uchta, kolumbiyalik Danilo Asprilla ikkita to'p kiritdi.

OCHL 1/8 finalini “Zobaxan”ga qarshi o'tkazgan ushbu jamoa o'z maydonida durang (1:1) qayd etgan bo'lsa, safarda 2:0 hisobida zafar quchdi. Bu o'yinlarda ham “Al Ayn” legionerlari Duglas bilan Danilo Asprilla bittadan gol urishdi. Umuman olganda, “Al Ayn”ning o'yini ko'p jihatdan mana shu ikki futbolchiga bog'liq. Bu jamoada shuningdek, 10-raqamda ko'pchilikka yaxshi tanish Umar Abdulrahmon ham o'ynaydi.

“Al Ayn”ning OCHL-2016dagi natijalari:

1-tur. “Al Ayn” – “Al Jayish” 1:2
Gol: Duglas

2-tur. “Al Jayish” – “Al Ayn” 2:1
Gol: Said Al Xatiri

3-tur. “Al Ayn” – “Al Ahli” 1:0
Gol: Umar Abdulrahmon

4-tur. “Al Ahli” – “Al Ayn” 1:2
Gollar: Duglas (2ta)

5-tur. “Nasaf” – “Al Ayn” 1:1
Gol: Danilo Asprilla

6-tur. “Al Ayn” – “Nasaf” 2:0
Gollar: Danilo Asprilla, Ismoil Ahmad.

1/8 final. Birinchi uchrashuv
“Al Ayn” – “Zobaxan” 1:1
Gol: Duglas

1/8 final. Javob uchrashuvi
“Zobaxan” – “Al Ayn” 0:2
Gollar: Li Myung Ju, Danilo Asprilla