Prevyu. "Mashal" - "Obod"

Mashal (Muborak) – Obod (Toshkent)
10 iyun 2016. Muborak. Bahrom Vafoev nomidagi stadion. 19:00
Hakamlar: I. Tantashev (Buxoro), S. Hakimov (Samarqand), S. Eremeev (Toshkent), SH. Rajabov (Buxoro)
Nazoratchi: R. Serazetdinov (Toshkent).
UzPFL vakili: N. Lutfulin.

“Mashal” va “Obod” klublari birinchi bor oliy ligada to'qnash kelishadi.

“Obod” dastlabki turni Qo'qonda o'tkazib 0:1 hisobida mag'lubiyatga uchradi. Ikkinchi turni o'z uyida “Buxoro” bilan nursiz durang qayd etdi – 0:0. Keyin Qarshida “Nasaf” bilan bahsda 0:1 hisobida imkoniyat boy berildi. Nihoyat to'rtinchi turda Toshkent klubi oliy ligada dastlabki gollarini urishga erishdi. “Qizilqum”ga qarshi o'yinda 2:2 hisobi qayd etildi. 5-turda toshkentliklar Bekobodda 1:2 hisobida imkoniyatni boy berib qo'yishdi. 7-turda “Obod” Toshkent derbisida “Bunyodkor”dan 0:4 hisobidagi mag'lubiyatni qabul qilib olgandi. Keyingi turda jamoa o'z uyida “Lokomotiv” bilan to'qnash kelib yutqazdi – 0:2. Farg'onada esa “Obod” 0:1 hisobida mag'lub bo'lgan. O'tgan turda toshkentliklar oliy ligadagi tarixiy, birinchi g'alabani qo'lga kiritishdi. “So'g'diyona”ni qabul qilgan “Obod” 2:1 hisobida g'olib bo'ldi.

“Mashal” bu mavsumda hozircha 2ta g'alaba (“Navbahor”, “SHo'rtan”), bitta durang (“Bunyodkor”) va 7ta mag'lubiyat qayd etdi. 9ta gol urib 16ta gol o'tkazdi. 7 ochko bilan musobaqa jadvalining 14-pog'onasida bormoqda.

Fakt: “Mashal” o'z maydonidagi 4ta o'yinda umuman durang o'ynamagan: 2 g'alaba va 2 mag'lubiyat. “Obod” safarda 5ta o'yin o'tkazdi va 5 bor mag'lub bo'ldi.