Bahriddin Vahobov: Muxlislarni quvontirish uchun bor mahoratimizni ishga solamiz

Ushbu o'yin oldidan konchilar sardori Bahriddin Vahobov klub matbuot xizmatiga o'z fikrlarini bildirdi.

- Bugun jamoamizni oldinda jiddiy sinov kutmoqda, - dedi hujumchi Bahriddin Vahobov. - Mavsumni g'alabalar bilan boshlagan bo'lsak-da, oxirgi turlarda bir tekis o'yin namoyish eta olmayotganimiz bor gap. SHunga qaramay, milliy chempionatda yuzaga kelgan qisqa tanaffusdan unumli foydalanib, navbatdagi o'yinga puxta hozirlik ko'rishga harakat qildik.

Bunyodkor - mamlakatimizning tajribali jamoalaridan biri sanaladi. Buni chempionat jadvali ham ko'rsatib turibdi. Ammo ularga qarshi ijobiy natija uchun o'ynasa bo'ladi. Tarkibimizda jiddiy yo'qotishlar yo'q. Jamoadoshlarimning ushbu uchrashuv oldidan kayfiyatlari alo. Qolaversa, bugun Toshkentda bizni ko'psonli navoiylik muxlislar qo'llab-quvvatlab turishi kutilmoqda. SHu bois, o'z ishqibozlarimizni quvontirish uchun bor mahoratimizni ishga solishga tayyormiz.

Qizilqum PFK Matbuot xizmati.