Bobur Zuhriddinov: "2ta penalti ura olmadik va 5ta gol o'tkazdik"
/ Kiritdi: BestMaster O'qilgan: 1054
"Mashal" - "Obod" (5:0) uchrashuvidan so'ng mehmonlar ustozi Bobur Zuhriddinov matbuot anjumanida ishtirok etdi.
"Biz uchun juda ham omadsiz o'yin bo'ldi. 2 marta 11 metrli jarima to'pidan gol ura olmadik va himoyada ko'plab xatolar tufayli mag'lub bo'ldik", - deb gap boshladi Zuhriddinov.
"Bu erga g'alaba umidida kelgandik. Lekin raqib uchrashuvga juda yaxshi tayyorlanibdi. Birinchi penaltidan gol ura olganimizda uchrashuv juda qiziqarli kechardi. Oqibatda 5ta gol o'tkazib yubordik".
"Mag'lubiyatda bosh aybdor menman. Futbolchilarni bahsga yaxshi tayyorlay olmadik. Oliy ligada qolish uchun bor bilimizni va bor imkoniyatimizni ishga solamiz".
"Bazi yigitlarda ruhiyat bilan qiyinchiliklar bor. O'yin yana ham qiyinlashib borayotganda futbolchilar o'zlarini yo'qotib qo'yishmoqda", - deydi Bobur Zuhriddinov.
"Mashal" matbuot xizmati
Bosh sahifaga
144