Aleksandr Xomyakov: "Agar penaltidan gol o'tkazganimizda barchasi boshqacha bo'lardi"

"Yirik g'alabaga erishdik. Ammo o'yin boshida ancha asabiylashdik. Agar birinchi penaltidan gol o'tkazib yuborganimizda barchasi umuman boshqacha bo'lishi mumkin edi. Omad biz tomonda bo'ldi. Yigitlar gollar urishdi, ulardan xursandman. G'alabalar orqali muxlislarni xursand qilishlarini tushunib etishmoqda. Ikkinchi penalti umuman kerak emasdi, baxtimizga u ham gol bo'lmadi. "Mashal" doim raqobatbardosh klub bo'lib kelgan. Umid qilamanki yaqin orada shunday saviyaga qayta olamiz. Qo'ziboevning bir yildan ortiq golsiz seriyasi yakunlandi, uni tabriklayman. Endi u gol urishdan to'xtamasa kerak.

Zafar To'raev mashg'ulotlarda jarohat oldi va qaydnomaga kiritilmadi. Uni o'rnida akademiyamiz tarbiyalanuvchisi Tursunmurod Hamdamov harakat qildi. Uni debyut bilan tabriklayman", - deydi Xomyakov.

"Mashal" matbuot xizmati