Jovanni De Byazi: "Guruhdan chiqsak - turnir "syurpriz"ini taqdim etgan bo'lamiz"

- SHveycariyaga qarshi bahs juda qiyin bo'ladi. Turnirdagi ilk o'yin, yuqori bosim uchrashuv qiymatini yanada oshiradi. Qiziq holatga duch kelamiz, kelib chiqishi albaniyalik bir qator futbolchilar bir-birlariga qarshi to'p tepishadi. SHuningdek, maydonda ikkita tug'ishgan aka-uka qarama-qarshiligiga guvohi bo'lamiz. Bu biz uchun juda muhim o'yin. Agarda Evropa chempionatida guruhdan chiqa olsak, unda turnir "syurpriz"ini taqdim etgan bo'lamiz. Agarda musobaqa yakunida muxlislarimiz ishtirokimizdan qoniqish xosil qilishsa, biz bilan faxrlanishsa, unda Evropa chempionatidagi ishtirokimiz muvaffaqiyatli o'tdi, deb hisoblayman. SHuni alohida takidlashni istardimki, terma jamoamizdagi barcha futbolchilar Albaniya libosini katta faxr bilan kiyib yurishadi. Maydonda esa bor kuchlarini ayashmaydi. Futbolchilarim hammasi bir-biri uchun turib bera olishadi. SHu boisdan ham saralash bosqichini muvaffaqiyatli o'tkazdik.