Kris Koulmen: "Biz bilan butun Uels xalqi faxrlanishini istaymiz"

- Franciyada bo'lib turganimizdan, Evropa chempionatida ishtirok etayotganimizda bag'oyatda xursandmiz. To'g'risi, Evropa chempionatida hech qachon ishtirok etolmasak kerak, deb o'ylagandim. Dastlabki bellashuvni intizorlik bilan kutyapman. Istalgan raqib bilan bo'ladigan to'qnashuvga tayyormiz. O'zimizning eng yaxshi futbolimizni ko'rsatishimiz kerak. SHuningdek, futboldan zavq olish lozim. Hozirgi tarkibimizdagi futbolchilar Evropa chempionatiga berilgan "chipta"ni qo'lga kiritishganini esdan chiqarmaslik zarur. Muhimi, biz o'z o'yinimizga etibor qaratishimiz lozim. Biz Franciyaga futbol o'ynash uchun kelganimizni unutmasligimiz kerak. Ko'rsatadigan futbolimizdan zavq olishimiz darkor. Maydonga chiqib Uels madhiyasini kuylashni o'zi ham ajoyib voqea bo'ladi. Barcha ilk o'yinni g'alaba bilan boshlamoqchi. Oldindagi bo'lajak ikkita bahs oldidan g'alaba qozonish jamoamizga qo'shimcha kuch va energiya bergan bo'lardi.