Prevyu. "So'g'diyona" - "Paxtakor"

So'g'diyona (Jizzax) – Paxtakor (Toshkent)
11 iyun 2016. Jizzax. "So'g'diyona" stadioni. 19:00
Hakamlar: V. Serazetdinov (Toshkent), A. Kalinin (Qarshi), V. Lushin (Guliston), R. Abduvohidov (Qarshi)
Nazoratchi: A. Abdullaev (Toshkent).
UzPFL vakili: V. SHtern.

“So'g'diyona” hamda “Paxtakor” klublari oliy ligada shu kungacha 40 bor kuch sinashishgan. “Paxtakor” 32ta o'yinda g'alaba qozongan. 4ta uchrashuvda “So'g'diyona”ning qo'li baland kelgan. 4ta o'yinda durang qayd etilgan. To'plar nisbatida ustunlik “SHerlar” tomonida: 107:35. “Paxtakor” o'zaro o'yinlarda 100 ochkoga ega bo'lgan, “So'g'diyona” esa 16 ochkoni qo'lga kiritgan. “Paxtakor”ning “So'g'diyona” ustidan qozongan eng yirik g'alabasi 6:1ga teng bo'lsa, “So'g'diyona”ning toshkentliklar ustidan erishgan eng yirik g'alabasi – 4:1.

2015 yil “So'g'diyona” maydonida o'tgan bahsda Igor Sergeevning dubli va SHerzod Karimovning bitta goli “Paxtakor”ga yirik g'alaba keltirgan – 3:0. Toshkentda ham Sergeev dublga erishgan. Yana bir golga Egor Krimec mualliflik qilgan. “So'g'diyona” safida yagona javob golini Sanjar Rashidov mezbonlar darvozasiga urgandi – 3:1.

“So'g'diyona” maydonida bo'lib o'tgan so'nggi besh uchrashuv:
23.05.2015 So'g'diyona - Paxtakor 0:3
14.06.2014 So'g'diyona - Paxtakor 0:1
05.05.2013 So'g'diyona - Paxtakor 0:0
10.04.2011 So'g'diyona - Paxtakor 1:2
25.04.2009 So'g'diyona - Paxtakor 0:2

O'zaro o'yinlar haqida fakt: “So'g'diyona” o'z maydonida o'tkazgan 20ta o'yinning uchtasida g'olib chiqqan. 3ta bellashuvda tomonlar ochkolarni bo'lib olishgan. Qolgan 14ta uchrashuvda “Paxtakor” safarda uch ochkoni o'ziniki qilgan. So'nggi bor “So'g'diyona” 1999 yil “Paxtakor”ni mag'lub eta olgan.