Kubok finali qachon va qaerda bo'ladi?

Haqiqatdan ham PFL "Nasaf" va "Bunyodkor" jamoalariga yuborgan faksida O'zbekiston Kubogining finali 13 oktyabr kuni Jizzaxda bo'lib o'tishi haqida qayd etilgan.

Malum bo'lishicha, agar ikki klub rozi bo'lgan taqdirdagina final shu sanada o'tkazilinadi. Ammo bu yaxshi o'ylanmagan fikr.

13 oktyabr FIFA kuni bo'lib, 8 oktyabr kuni Manamada, Bahrayn terma jamoasiga qarshi bahs olib boradigan terma jamoamiz qaytishda BAAda o'rtoqlik uchrashuvi tashkil etishni maqsad qilgan. Bu paytda "Nasaf"ning bosh posboni Eldor Suyunov terma jamoa ixtiyorida bo'ladi. Samvel Babayan tavakkalchilikka qo'l ura olmaydi. Asosiy tarkibning ikki nafar posboni biron bir sabab bilan safdan chiqsa. Suyunovga ehtiyoj sezadi. Qolaversa Artur Gevorkyan ham Turkmaniston  terma jamoasi safida bo'ladi. Yana bir holat, agar shu kun tasdiqlansa-yu, terma jamoaning o'yiniga oz qolganda biron bir himoyachi safdan chiqsa, Muhammadiev, SHomurodov, Azamov kabi futbolchilar MTJdan chaqiruv olishlari mumkin bo'ladi.

Yana bir muammo, muxlislar finalni ko'rishadimi yoki MTJ ishtirokidagi o'rtoqlik uchrashuvini. PFL va O'FFning aksar vakillari kubok finali bilan shug'ullanadilarmi yoki MTJ bilan?

Guvohi bo'lganingizdek, bu sana final o'yini uchun mos emas. Qolaversa Qatarda bo'lib o'tadigan Osiyo chempionatiga puxta tayyorgarlik ko'rish maqsadida, 8 va 13 oktyabr kunlari O'zbekiston olimpiya terma jamoasi ham biro bir horij terma jamoasiga qarshi o'rtoqlik uchrashuvini o'tkazishni maqsad qilgan.