SHerali Jo'raev: “Vaziyatlardan foydalanganimda uyga boshqacha kayfiyatda qaytardik”

2016-06-12 16:20:02 / Kiritdi: BestMaster O'qilgan: 1193

Oliy liga o'n birinchi turidan joy olgan “Bunyodkor” - “Qizilqum” jamoalari uchrashuvidan (2:0) so'ng, navoiyliklar yarim himoyachisi SHerali Jo'raev o'yin haqidagi fikrlari bilan o'rtoqlashdi.

-“Bunyodkor” jamoasi qarshi uchrashuvni yomon boshlamagandik, - dedi SHerali Jo'raev. - Garchi, havo harorati har ikki jamoa azolarini ham birdek qiyin ahvolga solib qo'ygan bo'lsa-da, butun uchrashuv davomida himoyaga yotib olmadik. Golli vaziyatlar yaratishga urindik. Alamlisi, ikki bor qulay vaziyatlardan samarali foydalana olmadim. Agar ularning hech bo'lmaganida bittasini gol bilan yakunlaganimda uyga mutlaqo boshqacha kayfiyatda qaytishimiz tayin edi.
SHunday issiq havoda bizni qo'llab-quvvatlash uchun Navoiydan uzoq yo'l bosib kelgan muxlislarimizni xursand qilishni istagandik. Afsuski, buni amalga oshira olmadik. Ammo hayot davom etyapti. Keyingi uchrashuvlarga jiddiy tayyorlanib, yo'qotilgan ochkolar o'rnini qoplashga harakat qilamiz, albatta.

“Qizilqum” PFK Matbuot xizmati.

Teglar: sherali, joraev, “vaziyatlardan, foydalanganimda, uyga, boshqacha, kayfiyatda, qaytardik”,
← Oldinga Orqaga →