Yil komediyasi. Ozan Tufanga birinchi navbatda go'zallik kerak

Luka Modrichning yagona goli ushbu bahsda xorvatiyaliklarning g'alaba qozonishiga etarli bo'ldi. "Real" yarim himoyachisi Volkan Babachan darvozasiga juda chiroyli gol urdi.

Turkiyalik muxlislar esa xuddi shu goldan bir necha soniya oldin ro'y bergan voqeadan g'azabda. Gap shundaki, Luka Modrich to'pga zarba berishidan oldin, to'p yuqoriga uchib ketadi va xorvatiyalikning yo'lini to'sishi kerak bo'lgan Ozan Tufan o'sha paytda sochini to'g'irlashga kirishib ketadi.

Tufan uzoq vaqt "Bursaspor" safida to'p tepgan va o'tgan yilning avgustida u "Fenerbaxche" jamoasiga o'tdi.

"Tvitter"da esa ko'pchilik uni ustidan kuldi va haqorat qildi.