OLIY LIGA. Bugun "Obod" - "SHo'rtan" qarama-qarshiligi

Oliy liga, 12-tur. 15 iyun
OBOD - SHO'RTAN

Bosh hakam: Ahrol Risqullaev
Boshlanish vaqti: 18:00

Turnir jadvalidagi o'rni: "Obod" 16-o'rinda (5 ochko), "SHo'rtan" 13-o'rinda (10 ochko)
Ochkolar orasidagi farq - 5 ochko

Tarif: G'uzorning "SHo'rtan" jamoasi sekin-asta o'ziga kelmoqda. Bu safar ular "Obod" bilan kuch sinashishadi. O'z tarixida oliy ligada ilk bor ishtirok etayotgan "Obod" yana birinchi ligaga qaytishga birinchi raqamli nomzod bo'lib turibdi. Bu jamoadan ko'p o'yinlarda omad ochiqchasiga yuz o'giryapti. Jamoa o'tgan uchrashuvda hatto ikki bor penaltini amalga oshira olmadi. Futbolchilarning kayfiyati haqida esa bir narsa deyish qiyin. Bugungi uchrashuvda ham "SHo'rtan" favoritdek ko'rinmoqda. Har holda jamoa tarkibidagi tajribali futbolchilar ko'pchilikni tashkil etadi.

Fakt: "Obod" oliy ligada faqat bir marta g'alabaga erishgan yagona jamoa bo'lib turibdi. Jamoa o'z maydonida "So'g'diyona"ni mag'lub etgan. O'z maydonida ikkita durang qayd etgan "Obod" yana ikki bellashuvda imkoniyatni boy berdi. "SHo'rtan" oxirgi to'rt o'yinda 9 ochko jamg'ardi. Bu esa jamoaning o'ziga kelayotganidan darak beradi.  

Bilasizmi? "SHo'rtan" safarda gol urish bo'yicha "Lokomotiv"dan so'ng ikkinchi bo'lib turibdi. "Loko" shu paytgacha safar o'yinlarida 14ta, "SHo'rtan" esa 10ta to'p kiritgan.

Eslatma: Kecha bo'lib o'tgan "Obod" - "SHo'rtan" (Yoshlar ligasi) bahsida maydon egalari 3:1 hisobida g'alaba qozonishdi.