Abbos Maxstaliev: “Buxoro jamoasiga qarshi bahsda imkoniyatlar teng”

- Muxlislarni “Buxoro” hamda “Neftchi” jamoalari o'rtasidagi qiziqarli bellashuv kutmoqda. O'ta shiddatli o'yin bo'lishini tahmin qilish mumkin. Bo'lajak bahs borasida gapiradigan bo'lsam, Buxoroda kuchli raqibga qarshi o'ynaymiz. Mezbon jamoa minglab muxlislari ko'z o'ngida g'alaba uchun harakat qilishi tabiiy. “Buxoro” tarkibida bir qator nomdor va tajribali o'yinchilar harakat qiladi. Misol tariqasi SHavkat Salomov hamda Aziz Ibragimovlarni keltirib o'tishim mumkin, - deya o'yin oldi fikrlari bilan o'rtoqlashdi futbolchi.

 - Buxoro klubi kabi bizga ham ochko juda zarur. SHu sababli, maydonga faqat g'alabani ko'zlagan holda tushamiz. O'yinga jiddiy tayyorlandik. To'g'ri mavsum starti biroz omadsiz bo'ldi. Biroq sekin-asta jamoamiz o'z o'yinini topmoqda.  Yaxshi bilasiz, so'nggi 3 ta o'yinda ketma-ket g'alaba qozondik. Bu muvaffaqiyatlar shunchaki omad yoki tasodif emasligini isbotlash uchun ham navbatdagi turda zafar quchishimz kerak. Xozir istalgan raqib bilan o'ynasa bo'ladi. Fikrimcha, Oliy ligadagi klublarning saviyasi deyarli teng. Lekin “Lokomotiv” klubi bu fikrimdan mustasno. Ular bu yil mamlakat chempioni bo'lishlari mumkin, - dedi Abbos Maxstaliev.
 
“Neftchi” matbuot xizmati