Kamoliddin Murzoev: "Neftchi"ga qarshi oson o'yin bo'lmaydi"

- Bugun bizni muhim o'yin kutmoqda. Albatta ushbu o'yinda har ikki jamoa g'alaba uchun maydonga tushadi. Ayniqsa o'z uyimizda, muxlislarimiz qarshisida o'ynayotganligimiz uchun zafar qozonish istagi har doimgidan yuqori.

Raqib haqida gapiradigan bo'lsak, “Neftchi” mamlakatimizda o'zining shonli tarixi va ananalariga ega jamoalar safiga kiradi. Uning bu yilgi o'yinlari raqobatbardosh komanda sifatida shakllanayotganligidan ham dalolat beradi.

Murabbiylar ko'rsatmalarini to'liq bajarib, o'z o'yinimizni namoyish eta olsak o'yinni o'z foydamizga hal eta olamiz. Har holda olib borayotgan mashg'ulotlarimiz sifati hamda “12-o'yinchi” sifatida madad berib turgan muxlislar daldasi ana shunday dadil gapirishimizga imkon beradi, - deydi Kamoliddin Murzoev.

"Buxoro" matbuot xizmati