Fayzulla Qambarov: “Navbahor” hali ko'p jamoalarga “boshog'riq” bo'ladi”
/ Kiritdi: BestMaster O'qilgan: 1115
Oliy liga o'n ikkinchi turidan o'rin olgan “Qizilqum” - “Navbahor” jamoalari bahsidan so'ng mezbonlar himoyachisi Fayzulla Qambarov o'yin haqidagi fikrlarini bildirib o'tdi.
- “Navbahor”ga qarshi o'yin kutganimizdan-da og'ir o'tdi, - deydi Fayzulla Qambarov. - Ularning bejizga oxirgi turda “Nasaf”dan ochko tortib olmaganligini amalda guvohi bo'ldik. Murabbiylar menga ukrainalik legioner Aleksandr Pishchurga qarshi ehtiyot bo'lib o'ynashim zarurligini takidlashgandi. O'yin davomida buni uddaladim, deb o'ylayman.
Raqibimizda ham, bizda ham juda ko'plab xavfli vaziyatlar yuzaga keldi. Oxirgi daqiqalarda bosimni oshirganimiz, jamoa bo'lib oldinga tashlanganimiz ularni xato qilishga majbur qildi. Yakunda muhim g'alabani qo'lga kiritdik. Bizga qarshi “Navbahor” tarkibida Xayrulla Karimov, Dilshod Jabborov kabi tajribali o'yinchilar maydonga tushmadi. Agar ular to'liq tarkib bilan maydonga chiqishsa, hali ko'p jamoalar uchun etarlicha “boshog'riq” bo'lishi tayin.
“Qizilqum” PFK Matbuot xizmati
Bosh sahifaga
630