"Neftchi": 21 iyun kuni “Nasaf”ga qarshi o'ynaymiz
/ Kiritdi: BestMaster O'qilgan: 945
Farg'onaning “Neftchi” jamoasi Oliy liga 13-tur doirasidagi Qarshining “Nasaf” jamoasi bilan bo'lib o'tadigan bahsga qizg'in hozirlik ko'rmoqda.
Xabaringiz bor, Andrey Fyodorov bosh murabbiyligidagi farg'onaliklar 21 iyun kuni o'z maydonlarida “Nasaf” jamoasi bilan bellashadilar. “Neftchi” hamda “Nasaf” jamoalarining Oliy ligadagi 39-uchrashuviga bo'lgan qiziqish xar doimgidek yuqori deb aytib o'tishimiz mumkin. Eslatib o'tamiz, mazkur o'yindan bir kun avval “Neftchi” – “Nasaf” o'rinbosarlari uchrashuvi bo'lib o'tadi. Ushbu bahs Qirgulidagi “Neftchi” SK stadionida 20 iyun, soat 18:00da start olishi reja qilingan.
Asosiy tarkib jamoalari esa “Istiqlol” stadionida o'zaro raqobat olib borishadi. Bahsning boshlanish vaqti soat 18:30ga belgilandi. Seshanba oqshomida bo'lib o'tadigan o'yinda “Neftchi” yashil-ko'k rangli sport liboslarida harakat qilsa, qarshiliklar oq rangdagi formada maydonga chiqishadi.
20 IYUN.
Qirguli. “Neftchi” SK stadioni. Soat 18:00.
Yoshlar ligasi. “Neftchi” – “Nasaf”
21 IYUN.
Farg'ona. “Istiqlol” stadioni. Soat: 18:30.
Oliy liga. “Neftchi” – “Nasaf”
Barcha futbol muxlislarini mazkur uchrashuvlarga chorlab qolamiz!
Bosh sahifaga
892