EVRO-2016. Omadsiz jentelmen
/ Kiritdi: BestMaster O'qilgan: 2284
Kecha Portugaliya terma jamoasi Evropa chempionati guruh bosqichi doirasida Avstriya bilan o'ynadi.
Uchrashuvda qanday hisob qayd etilganini barcha bilib bo'lganiga zarracha ham shubha yo'q. Evroning eng qimmat, eng mashhur va eng kuchli futbolchisiga ega bo'lgan Portugaliya terma jamoasi Avstriya bilan durang o'ynadi - 0:0. Piriney yarim oroli jamoasi ilk turda Evropa chempionati debyutanti Islandiya bilan 1:1 hisobida durang o'ynaganini ham hech kim unutgani yo'q. Xo'sh, nima uchun Ronalduga ega bo'lgan jamoa g'olib bo'la olmayapti?
Kim nima desa desinu kechagi o'yinda Krishtianu Ronalduning shunchaki omadi kelmadi xolos. Bazan shunday bo'ladi, kun davomida hech bir qilgan ishingiz o'xshamaydi, qo'lingizdan piyola tushib ketadi, ovqat qilsangiz tagiga olib ketadi va hokazo...Kecha Ronalduda xuddi shunday bo'ldi, shunchaki ovqat tagiga oldi...
"Real" yoki Portugaliya terma jamoasi ishtirokidagi o'yinida oddiy tomoshabin avvalo Krishtianu Ronaldudan nimadir kutadi. Gol, golli uzatma, chiroyli fint. Qiz muxlisalar esa Krishtianu katta ekranga qarab kulib qo'yishini kutishadi. Futbolchi ham butun dunyo unga qarab turganini juda yaxshi his qilib turadi. Bir necha yildan buyon u bunday bosimga o'rganib ham ketgan. Lekin kecha bu bosimni enga olmadi...
Ronaldu bahs davomida 3 marta raqib darvozasiga aniq zarba berdi, 3 marta o'yindan tashqari holatda qolib ketdi, 3 bor noaniq zarba berdi, uning 4ta zarbasini himoyachilar bloklashdi. Butun Portugaliya terma jamoasi o'yin davomida 10ta zarba berdi, uning 6tasi aniq chiqdi. Darvozabon yarim jamoa maqolini Ronaldu o'zgartirib yubordi.
Hujumchi Portugaliya yutishini juda ham ko'p istab yubordi. 79-daqiqada o'ziga nisbatan ishlatilgan qo'pollik uchun belgilangan penaltidan gol ura olmadi. Klubida penaltilardan gollarni qalashtirib tashlaydigan Krishtianu 11 metrdan gol ura olmadi.
Parij shahridagi "Park de Prens" stadionida o'tgan uchrashuvni Ronalduning onasi va o'g'li vip tribunadan kuzatib borishdi. Aynan shu holat ham to'purarga tasir qilgan bo'lishi mumkin. Hujumchi o'z muxlislari va yaqinlari oldida o'zini ko'rsatishni xaddan tashqari xohlab yubordi. Temirni keragidan ortiq qizdirsangiz u sinib ketadi.
Portugaliya terma jamoasi bosh murabbiyi Fernandu Santush ikki safardan buyon raqiblar ularga qarshi himoyaviy futbol ko'rsatishganidan nolimoqda. Biroq Evropa chempionatida uzoqroqqa bormoqchi bo'lsang yoki hech bo'lmasa guruhdan chiqishni istasang raqib 11 kishi bo'lib himoyalanmaydimi gol urish kerak.
To'g'ri hali vahimali hech nima bo'lgani yo'q, Portugaliya terma jamoasi guruhdagi so'nggi turda Vengriyani mag'lub etsa keyingi bosqichga chiqadi. Lekin keyingi bosqichda bundan ham vahimali jamoalar o'ynashini unutmaslik kerak.
Narzulla Saydullaev
Smartfon yutishni istaysizmi, unda marhamat! SHartlar esa bu erda >>>> TANLOV
Bosh sahifaga
262
15 Mart 2026, 10:06