Predrag Vuyovich: “Tibbiy markazdan ruxsat berishmaganidan so'ng Serbiyaga qaytishga majbur bo'ldim”

Bunga sabab futbolchi tibbiy ko'rikdan muvaffaqiyatli o'ta olmaganidir. Serbiyalik futbolchi bilan kuni-kecha aloqaga chiqdik va o'zaro salom-alikdan so'ng undan bu borada yana so'radik.

- Serbiyada tibbiy ko'rikdan o'tdim. Barchasi joyida. Ammo tibbiy markazdan ruxsat berishmadi. Ruxsat berishmas ekan, O'zbekistonda nima ham qilaman. Tibbiy markazdagilar Serbiyada ko'rikdan yaxshi o'tsang senga ruxsat beramiz deyishgandi. Ammo baribir yo'q deyishdi. Menga ruxsat berishmayotgani achinarli, ammo nima ham qila olaman. Bosh murabbiy Edgar Gessni ham klubdan ketdi deb eshitdim, menga shunday deyishdi.

- “Andijon” bilan noyabr oyining so'nggi kunigacha amalda shartnomam mavjud. Ayni damda uyda oila davrasidaman. Albatta o'zim yakka tartibda sport formamni yo'qotmaslik maqsadida shug'ullanib turibman. Ayni damda menga bir qator takliflar bo'lmoqda. Livan klublaridan biri qiziqish bildirmoqda. Ko'ramiz voqealar rivoji qanday tus olarkin – deydi Predrag Vuyovich.

Islombek Rustambekov.